يا طلاب وطلبة ناصر ..ممكن نصيحه و مساعده, plzzzz خيارات

[احلى الحلوات]

........السلام عليكم .......
اني العام هدا كيف تخرجت من التانوي و نبي نسجل في جامعه ناصر بس خاييف منها هلبا لانها بعيده و الناس يزيدزو يخوفو فيا ...من هلبا حاجاااات
ف بالله نبي منكم تساااااااااااااعدوني و طمنوني علي كل شي ...بدايه من طريقها و مدرجاتها و المقاهي و اللبس ... اي حاجه تصحوني نديرها و لا نبعد عنها

[ندئ الايام]

شنـــى فيـــه عــــــــلاش خايفــه واخيتــي

...بدايه من طريقها و مدرجاتها و المقاهي و اللبس ... اي حاجه تصحوني نديرها و لا نبعد عنها

خيــرها طريقــها مكســره وكــل يــوم يختــرعولها حاجــة جديــده زي باقي طرق طرابلــس لكــن توصــلي بالســلامه

اي تخصص انتــي مافيــش مدرجــات كانك لغـــات فصــول زي التــانوي

المقــاهي واللبــس دخــلك بيهــم

لـــو بتقــري وعندك هـــدف هــوا التخرج راح تمشــي تمام اقــري و روحــي وما يهمك حــد

ونصحـــتي ليــك مــا تختلطـــيش هلبــا بي البنـــات خليك مع المعــارف بــس

وان شــاء الله ربي يحفظــك وما تخــافيش هيــا مجرد مكان لي الدارســة مش اكتــر

بالتـــــوفيــق ,,

[سفير الغرام]

السلام عليكم
نصيحتي ليك فوتيها ناصر واقري في الفاتح (الهندسة / الفنون /الزراعة /العلوم) شوفي تخصصك بين الكليات هذي لانها افضل كليات الفاتح .......
والخيار ليك..

[الحياة الحلوة]

انا رائى من رائ الاخ سفير الغرام ناصر فوتيها مش مكان قراية
وبالتوفيق ان شاء الله

[نور العين]

والله حتي انا بصراحة نبي ناصر لكن مشكلتي في البعد بعيدة عليا هلبا رغم ان في كليه اقرب من الناصر كليه السواني

والله محتارة وين نمشي .........

[سفير الغرام]

خليك في السواني

[احلى الحلوات]

توا اني قريت لغات .....Englisg و مبادئ فرنسي نقدر نغير اي حاجا و نقرا في الفاتح ؟؟؟؟يعني نغير تخصص في الجامعه عادي؟؟؟ و شن هيا السواني جامعة ولا معهد معلمات ؟؟؟

[majed2066]

السلام عليكم
اختى لوكنتى ناوية القراية مش حتهتمى بالمواضيع الجانبية للجامعة لانه فى كل مكان فيه الكويس وفيه لا
الاهم انتى شنى اللى تبيه وشنى هدفك اللى راسمتيه من القراية والدخول للجامعة
ولو مشكلتك البعد هذا موضوع اخر فى الحالة هذى انتى اللى تقدرى تحدديه

[زمرده]

نصيحة اختى اللى ماايدير شي ماايجيشي شي
خليك بإحترامك ومع صحباتك اللى تعرفيهم
وحاتمشي الامور
ربي يوفقك حتى انا قبل ماانخش لناصر طلعولي فيها ميه عيب وتوا ليا فيها 4 سنين وماشية الامور لكن الانسان هو اللى يفرض احترامه
ويخلي الناس تحترمه وزي ماقال majed في كل مكان فيه الكويس وفيه اللى لا
ربي يكون معاك

[R.MaDr!d 4 eVeR]

لو تبي رائي اتوكلي علي الله

بالنسبة ليا اني نقرا في ناصر و نقرا في اللغات و مشاء الله حتى الدكاترة كويسين و يشرحو كويس

و حتى اللغات حلوة

و انتي و رايك في النهاية